نڤیسەر حەیدەر عەرەبۆ پەرتووکەک دەرێخست
ئێزیدی24 – ذياب غانم
نڤیسەرێ خۆرت “حەیدەر عەرەبۆ” ئیرۆ پەرتووکەک ب ناڤێ “خەملا هەزار ڕەنگ” کە ڤەکۆلینەکە ل هژمار و ساڵنامەیا ئێزیدیا دە دەرێخست.
نڤیسەر “حەیدەر عەرەبۆ” ل دۆر ڤێ پەرتووکێ ژ “ئێزیدی24” را گۆت،“ناڤێ ڤێ پەرتووکێ هەر ژ ناڤەرۆکا وێ وێ هاتیە ژبەر گەلەک بابەتا ب خۆڤەدگرێ و هەروەها ژبەر کە بۆ جارا یەکێ قەولێ خەملا هەزار سالی ل ڤێ پەرتووکێ دە تێیە وەشاندن”.
هەروەها گۆت،“دیزاینا بەرگی ژ با فەلاح ئەلڕەسام ڤە هاتیە چێکرن و عەلدینێ قولۆ ناڤەرۆک رێکئێخستیە و پێداچوونا زمانی ژ ئالیێ کۆڤان خانکی ڤە هاتیە کرن و ژ با وەشانخانەیا “لینا”ڤە هاتیە چاپکرن و دەرێخستن و نوهە ل پەرتووکخانەیا گازی ل دهۆکێ یا بەردەستە”.
“حەیدەر عەرەبۆ” نڤیسەرەکی خۆرتە ل کۆمەلگەها بۆرک ل شەمالی چایێ شنگالێ ل سالا 1991ـێ هاتیە دنیایێ و ئەڤ هەیامەکە درێژە ل ڤەکۆلینێت کەلتوور و فلکلۆر و داب و نەریتێت ئێزیدیا دە کاردکە و ژ غێر ڤێ پەرتووکێ پەرتووکەکە دی ژی هەیە ب پشکداری دگەل ئەلیاس قیرانی.
