کلیپا “چاڤێن تە” ئا هۆنەرمەند ئیبراهیم شنگالی وێ ل نێزیک ئێتە بەلاڤکرن
ئێزیدی 24 _ لەیت حسێن
هۆنەرمەندێ ئێزیدی ئیبراهیم شنگالی کە نوهە ل وەلاتێ ئەلمانیا ئاکنجی یە هادریێت کلیپەکا نوو دکە کە ژ پەیڤ و ئاوازێت وی نە و لگۆری گۆتنا وی بەری تالیا ڤێ مەهێ وێ ئێتە بەلاڤکرن.
ئیبراهیم شنگالی ل دیدارەکێ دا ژ “ئێزیدی 24” را خوەیاکر، ئەڤ هەیامەکە ئەز کار لسەر کلیپەکا نوو دکم کە ل دۆر پەیوەندیا ئەڤینیێ یە ل نێڤبەرا کەچ و خۆرتا دا.
زەلال ژی کر، سترانا من ب ناڤێ “چاڤێن تە” یە، پەیڤ و ئاواز ژ دانینا من بخوەینە و ژ دەرهێنەریا عەلی ئەلشێخە و مونتاج عەبدولعەزیز باعەدری یە، و ئەڤ کلیپە ل ستۆدیۆیا سوبحی باعەدری ل وەلاتێ ئەلمانیا هاتیە تۆمارکرن.
هەروەها گۆت، کلیپ ل نێڤبەرا هەردوو وەلاتێت ئەلمانیا و هۆلەندا وێ بێتە وێنەکرن لێ ژبەر سەقایێ وان ناڤچەیا هنەک درەنگی کەتە کارێ مەدا بەلێ بریارە ل تالیا ڤێ مەهێ بێتە بەلاڤکرن.
هۆنەرمەندێ ناڤهاتی خەلکێ دەڤەرا شنگالێ یە ل رۆژئاڤایێ پارێزگەها نەینەوا ل باکوورێ عیراقێ و هەیاما چەند سالایە ل وەلاتێ ئەلمانیا ئاکنجی یە، ل سالا 2003ێ، یەکەم بەرهەمێ وی یێ هۆنەری هاتیە بەلاڤکرن و هژمارەکا باشا سترانا لسەر جینۆسایدا ئێزیدیا تالی گۆتینە.