ئێزیدی24 – دوویڤچوون
پارێزگارێ پارێزگەها نەینەوا نەجم ئەلجبووری، ژ تۆڕا ڕووداو یا میدیایی را ڕاگەهاند، هەتا خەلکێ شنگال ل کەمپێن ئاوارا ل هەرێما کوردستانێ ژیان دکە دەڤەرێن شنگال ناینە ئاڤاکرن، ئاماژە ب وێکێ ژی کر هەکە وان پلانەک ل بەر دەست هەیە بۆ ئاڤاکرنا شنگال لێ ئەو ڤالایە ژ خەلکێ و ژبەر وێ یەکی ئەو نکارن پلانا ئاڤاکرنێ بجیهبینن.
پارێزگارێ نەینەوا، نەجم ئەلجبووری نە چێکرنا لیوایا پۆلیسا یا تایبەت ب خەلکێ شنگال، بۆ وێ یەکێ ڤەگەراند کە ژبەر نەبوونا پارەیی یە.
هەروسا گۆت،” بلا ئەز سەراست بم ب وە را، هەتا خەلکێ شنگال ل کەمپا دایا شنگال نایە ئاڤاکرن”.
ل پەی داتایێن رێڤەبەریا کۆچ و کۆچبەرا و بەرسڤدانا قەیرانا ل پارێزگەها دهۆک، ژ کۆما 135 هەزار و 844 ئاوارەیا کە ل 15 کەمپا دا دئاکنجی نە ، 33 هەزار و 724 کەس ڤەگەریاینە شنگال، و هەتا نوهە 102 هەزار و 120 ئاوارە ل کەمپا دا دژین.