خۆرتەکی ئاوارە بکارەکی دەستێت خوە کەهرەبێ ژمالا خوەرە پەیدا دکە

ئێزیدی 24- ذیاب غانم

دڵدار مەمۆ، خۆرتەکێ ئاوارەیێ ئێزدیە ل کەمپا قادیا یا ئاوارەیێن شنگالێ یە لسنورێ قەزایا زاخۆ . کێمی و نەبوونا کەهرەبێ ل بیتریا وەختا دە ل وێ کەمپێ وسا کر کە دڵدار بزاڤا داهێنانەکێ بکە داکو کەهرەبێ ژمالا خوەرە پەیدا بکە . لۆما ڕابو ب کۆمکرنا هنەک تشتێن بەردەست داکو بکاربینێ و ل وان وەختێن کەهرەب نەیی کەهرەبێ پەیدابکە.

“مەمۆ” ژ “ئێزیدی 24″ رە پەیڤی و گۆت ، ” ژبەر هەکە ئەم دحەوجەی کەهرەبێ بوون دسەقایەکی ب زەحمەت دە لۆما هزرا داهێنانەکێ ژچێکرنا کەهرەبێ رە کەتە بیرا من و من دەست ب چێکرنا وێ کر ب سیستەمەکی هەکە گەلەک دەولەت هەر ب وی سیستەمی کەهرەبێ ژ وەلاتیێن خوە رە پەیدا دکن”.

https://m.facebook.com/story.php?story_fbid=586714622171633&id=100024993012707

زیدەتر گۆت ، ” چێکرنا کەهرەبێ ب مفا وەرگرتن ژ بایی سیستەمەکێ جیهانی یە من ژی ب بکارئانینا هنەک تشتێن بەردەست ئەڤ سیستەم چێکر و سەرکەفتی بوو بەلێ حەوجەی تشتێن ب هێزترە لێ ژ بەر نەبوونا وان نەچار بووم هەکە وەک کارینێت خوە چێبکەم”.

دریژی دا پەیڤا خوە و گۆت ،” ل پەیچێ تایبەتێ خوە دا من ئەڤ کارە بەلاکرینە و هەر کەس کارێ ببینی، و هەکە پشتەڤانی هەبا من کاری گەلەک تشتێن دی چێبکم لێ ژ بەر نەبوونا پشتەڤانیێ و کارینێن خوە یێن کێم ئەز نکارم تشتێن دی چێبکم”.

ناڤهاتی خەلکێ کۆمەلگەها تل قەسەب بوو یا کو دکەڤیە قبلەتی چیایێ شنکالێ و هەتا پۆلا شەشێ خوەندیە، و پشتی ئێریشا داعش ئاوارەیی هەرێما کوردستانێ بوو .

زێدەباری ئاوارەبوونا ئێزیدیان و حالێ وانی نەخوەش لێ هیژ گەلەک کەس ژوان وێ ئاوارەبوونێ ب ڕەنگەکی بکارئ تینن و ب رێکا وێ کارەکی ژخۆەرە پەیدا دکن . دڵدار ژی چەند خۆلێت ڕاهێنانێ دەربازکرن و ئەڤ کار ژخوەرە هەلبژارت.