ئێزیدی 24 – دهۆك
لژنا روبروبوونا ڤایرۆسێ کۆرۆنا ئیرۆ رۆژا شەمبیێ 14ی ئادارا 2020ێ، ل پارێزگەها دهۆکێ کۆمبوو، و ژبەر کۆنترۆلکرنا ڤایرۆسێ کۆرۆنا 9 بریارێت نوو دەرئێخستن.
ئەوژی ئەڤن:
1- گرتنا بازارا ل سەرانسەری پارێزگەهێ ئەو بازارێت گرتی یێت ل سەنتەران وەکو: قيصريا، جودا ژ دەرمانخانا و نانپێژیا و بازارێن هشکاتیا یەعنی ئەرزاق.
2- گرتنا مۆلا، هەر قائیمقامەکی ل هەر جهەکی کە د سنوورێت وی دا مۆل هەبن پێدڤی یە بگرە و دەستهەلات پێ هاتیە دان.
3- نابە کورسیك ب میننە ل جهێت فرۆتنا تەزیاتیا یەعنی بتنێ تەزیاتیا ب سەفەری ب فرۆشن
4- گرتنا سەرتراشخانە.
5- گرتنا وێنەگریا، ئەو ستۆدیۆیێت کارێ ئاهەنگ و هەلکەفتا دکن.
6- گرتنا وان جهێت کورسیکا و چادرا ب کرێ دن بۆ ئاهەنگا و شەهیانا و تازیا.
7- گرتنا وان جهێت ئامیرێت ئاهەنگا ب کرێ دن.
8- گرتنا ئەو جهێت کۆگەهـ و خوارنێ ژ تازیا و داوەتا و هەلکەفتا رە چێدکن.
9- گرتنا جهێت چێکرنا لافیتا ،فلیکسێن، رێکلامکرنێ.
هەروەها فەرهاد ئەتروشی پارێزگارێ دهۆکێ راگەهاند، ناهێلن کەس بێتە پارێزگەها دهۆکێ و ئەڤ بریارە هەموو ژبەر سەرکەفتنا مەیە لسەر زالبوونا ڤایرۆسێ کۆرۆنا.
تێتە زانین ژی هەتا نوهە چ حالەتێت توشبوونێ ب ڤایرۆسێ کۆرۆنا ل سنوورێ پارێزگەها دهۆکێ نەهاتینە تۆمارکرن و بریارە ئەڤ بریارێت هاتینە دان ژی ل هەیاما 26 سەعەتێت بێ دە بێنە جێبەجێکرن.6