ئێزیدی24 – مەروان داوود
پشتی دەربازبوونا نێزیک هەفت سالا ل سەر جینۆسایدکرنا ئێزیدیان ڕا ، په‌رله‌مانێ عیراقێ ياسايەکا تایبەت ژ بۆ وان رزگاربوويێن ئێزیدى په‌سه‌ندكر دا مافێن وان بگەهنێ.
یاسایا ناڤهاتی و کارێ پەرلەمانێ عراقێ بووە جهێ دلخۆشیا ئێزیدیا، لێ ژبەر نەبوونا کاری ل سەر ئەردێ واقع ترسەک هەیە ئەڤ یاسا ژی وەک یاسایێن دی یێن ب ئێزیدیا ڤە دگرێدایی بێتە پشتگوهکرن.
“حەلا سڤیل” ژنەژێهاتێەکە ئێزیدیە و ژ دەستێ داعشێ خەلاسبوویە دبێژە،“ژمێژ ئەم کار ل سەر ڤێ یاسایێ دکن هەتا هاتە پەسەندکرن و پێنگاڤەک گرنگ و مەزن بوو حکومەتا عراقێ ئاڤیت”.
خوەیاکر ژی کە،“ئەو ل بەندا وێ یەکێ نە ئەڤ یاسا بکەڤیە بوارێ جێبەجێکرنێ، و ل پەی گۆتنا وێ هەتا نوهە چ پێنگاڤ دئەڤی بواری دە نەهاتینە ئاڤیتن و چ پێشکەتن ب خوەڤە نەدیتیە”.
حەلا دبینێ کە خالێن ئەڤێ پرۆژا یاسایێ هەموو د بەرژەواندیا رزگاربوویێن دەستێ داعش دانە و بەشەکی سەرەکی یە ژ مافێ وان و داخواز ژ سەرۆکاتیا کۆمارا عراقێ و سەرۆکاتیا پەرلەمانی و هەموو جیهێن بەرپرس کر کە ب زووترین دەم ئەڤ پرۆژە یاسایا ل سەر ئەردێ بێتە جێبەجێکرن .
هەرچەندە هندەک جیهەت و کەس نەدرادیبوون ل سەر ئەڤێ یاسایێ بەلێ ئەو یاسا هاتە چەسپاندن.
نصر مەحموود خۆرتەکی ئێزیدیە لدۆر ڤێ یاسایێ ژ “ئێزیدی24” ڕا گۆت،“تشتێ کە مە گەلەکێ چاڤەرێبوونا وی دکر ئەوبوو کو دچارچۆڤێ عراقێ دا ب شێوەیەکی فەرمی مافێ کەس و کارێن قوربانیێت ئێزیدی و قوربانیا بێتە دابینکرن چ ب رێکا یاسەیەکی بێت یان هەر رێکەکا هەبێت”.
بەردەوامی دا پەیڤا خوە گۆت،“چ تشت ژ بۆ ڤان قوربانیێت دەستێ داعشێ بهێتە کرن ئەو برینێت وان ب تەمامی دەرمان ناکە لێ هەبوونا پرۆژە یاسایێت وەکو ئەڤی دێ سەقایەکی گونجایی ژ وان را دابینکەت کە بکاربن ژیانا خوە ب شێوەیەکی باشتر دەرباسبک”.
ل تالیا پەیڤا خوە دە گۆت،“هەتا رادەیەکە باش ئەو خاڵ د گونجایی نە و دێ خزمەتا رزگاربووییا و کەس و کارێن قوربانیا کەن لێ هەکە ئەو خاڵ هەموو ل سەر ئەردێ کەفتنە د قۆناغا جێبەجێکرنێ دا و هیڤیا مە ئەوە کو رزگاربوو بۆ دەمەکی درێژ نەمینی د چاڤەرێبوونێ دا بەلکو ب زووترین دەم جیهێن بلند و بەرپرس فشارێ ل حکومەتی بکن کە ئەوان خاڵان جێبەجێبکەن و رزگاربووییان ب هنەکێ ژ مافێ وان شاد بکەن”.