ئێزیدی24 – دهۆک
ئیرۆ پشت نیرۆ و ل روودانەکە نە چاڤەرێکری دە 370ی چادری ئاوارەێێت ئێزیدی ل کەمپا شاریا ل پارێزگەها دهۆک شەوتین كە 184 خێزان دتێده بوون كە دبنه 994 ، چ زەرەێت گیانی نەبوون و شەش کەس برینداربوون و برینێت وان ژی دسڤکن.
پەیامنێرێ “ئێزیدی24″ مەروان داوود کە ل کەمپا شاریا دمینێ گۆت،”هەتا نوهە ئەگەرێ ڤی ئاگری نەهاتیە زانین لێ بەحس ل شۆرتێ کەهرەیێ تێیە کرن”.
هەروسا دا خوەیاکرن،”خەلکەک ژ کەمپێ ئاوارە بوو و جهەک نینە لێ بمینن لێ خەلکێ دەرێ مالێت خوە ژ ڤان مالێت چادرێت وان شەوتین رە ڤەکریە”.
و هنەک ئاوارەیێت کەمپا شاریا ژ “ئێزیدی24″ ڕا گۆت کە ،”تیمێت ئاگر ڤەراندنێ پشتی 45 خۆلەکە گەهشتنە جیێ روودانێ و هەکە زووتر گەهشتبان هەوچەند زەرەر ب خەلکێ نە دگەهشت”.
ئەڤ شەش ساڵن بدەها روودانێت شەوتاندنێ ل نێڤ کەمپێت ئاوارێت ئێزیدیا دە چێبووینە و چەند جارا داخواز کرینە چارەیەک بێیە دیتن ل وەزارەتا کۆچ و کۆچبەرا یا عراقێ چ پێنگاڤ ناڤیتینە و زنجیرەیا شەوتاندنێ بەردەوامە.