ئێزیدی۲٤ : هەولێر
وەزارەتا ساخلەمیا حکومەتا هەرێما کوردستانێ ل بەیانەکێ دە راگەهاند . ل بەردەوامیا پشکنین و گەڕیان لدوو گومانلێکریێن توشبوونێ ب ڤایرۆسێ کۆرۆنایا نوو COVID-19 یەکەم حالەتێ توشبوونێ بڤێ ڤایرۆسێ ل پارێزگەها دهۆکێ هاتە تۆمارکرن .
وەزارەتا ساخلەمیێ ل بەیانێ دە گۆتییە . ئەو کەسێ توشبووی زەلامەکە ژیێ وی 50 سالن و ژ ئەلمانییا ڤەگەریایە .
بڤێ یەکێ ژی هەتا نۆهە ژمارا کەسێن تووشی ڤایرۆسێ کۆرۆنا بووین گەهشتیە 40 کەسان کە 13 ژوان ب تمامی ساخ بووینە و کەسەکی جانێ خوە ژ دەست دایە و 26 کەس ل کەرەنتینان دانە .