ئێزیدی24 – دهــۆک
بەری چەند رۆژەکایە وزارەتا خوەندنا بلند یا عراقێ دانپێدان ب زانکۆیا پۆلیتەکنیکی یا دهۆکێ کر کە پێکهاتبوو ژ هەشت پەیمانگەها و شەش کۆلیژا لێ ناڤێ چەند پەیمانگەهـ و کۆلیژا ل وێ بریارێ دە نەبوون وەک پەیمانگەها تەکنیکی شێخان و پەیمانگەها تەکنیکی شـنگال.
ئەو کۆلیژێت کە دانپێدان پی هاتیە کرن (کولیژا تەکنیکی ئەندازیاری دهــۆک، کۆلیژا تەکنیکی کارگێری دهۆک، کولیژا تەکنیکیا ئاکرێ، کولیژا تەکنیکیا زانیاریان ئاکرێ).
ئەو پەیمانگەهێت ب سەر زانینگەها دهۆک یا پۆلیتەکنیک ڤە ئەوێت دانپێدان پێ هاتیە کرن هەر یەک ژ پەیمانگەهێن تەکنیکیێن (دهۆک، کارگێری دهۆک، زاخۆ، ئاکرێ، بەردەرەش، ئامێدیێ) بوون.
ل سەر ئەگەرێ دانپێدان نەکرنێ ب هەردوو پەیمانگەهێت شنگال و شێخان “سەرکەفت ڕەشید” بەرپرسێ ڕاگەهاندنا زانینگەها دهۆک یا پۆلیتەکنیک ژ “ئێزیدی24” را گۆت،“ دانپێدان ب ب چار کۆلیژ و شەش پەیمانگەھا ھاتیە کرن ژ ئالیێ وزارەتا خوەندنا بلند یا عراقێ و ھیژ دوو کۆلیژ و دوو پەیمانگەھ یێت ماین”.
بەردەوام کر و گۆت،“ ئەڤ پەیمانگەهێت دانپێدان پێ نەهاتیە کرن پتریا وێ بۆ بابەتێن سیاسی ڤەدگەریت لێ دویڤ چوون یا بەردەوامە ژ ئالیێ زانکۆیا مەڤە و ئەم گەشبینن کە دانپێدان وێ ب وان ژی ئێتە کرن”.
هەروەسا خوەیاکر،“ ژبەر ئەڤ پەیمانگەهـ دکەڤنە دەڤەرێن ماددەیا 140 یا دەستوورێ عراقێ ڤێ یەکێ ژی کارتێکرنا خوە ل سەر ڤی بابەتی هەبوویە”.
تێیە زانین کە هەردوو پەیمانگەهێت شنگال و شێخان ب سەدان خوەندنکار ژێ دەرچووینە و هەتا نوهە ل خزمەتکرنا خوەندنکارا دە دبەردەوامن.