ئێزیدی24 – دهۆک
مەسرور بارزانی، سەرۆک وەزیرێ هەرێما کوردستانا عراقێ ل وەختێ پیرۆزباهیێن خوە ئاراستەی ئێزیدیا کرین ب هەلکەفتا عیدا سەرێ سالا ئێزیدیا، دووپات ل وێ یەکێ کر کو ئەو پشتەڤانن ژ بۆ ماف و داخوازیێن ئێزیدیا.
بارزانی ل پەیاما خوە دا گۆت،”ب پێدڤی دزانم دڤێ هەلکەفتێدا جارەکا دی ژی، خوشک و برایێن ئێزیدی پشتراست بکەمەڤە، کو ئەم وەکو هەردەم دێ دبەردەوام بین لسەر پشتەڤانیا ماف و داخوازیێن وان و ل بەراهییا هەموویان درێژیدان ب بزاڤێن مە لگەل حکومەتا فیدراڵ و جڤاکا نێڤدەولەتی، بۆ ئاساییکرنەڤا رەوشا شنگالێ وناوچەیێن دەوروبەرێن وێ“.
هەروسا دا خوەیاکرن کو،”رەوشا شنگال ب دەرکەفتنا هێزێن چەکدار یێن نە یاسایی وێ باش بیت، کو بووینە ئەگەرێ گەفێ لسەر ئاسایش و سەقامگیرییا وێ ناوچەیێ و ب وێ سەدەمێ ئەو دەڤەر ھەتا نھۆ نەھاتیە ئاڤەدانکرنەڤە و ئاوارە نە شیاینە ب سەربلندی بزڤڕنەڤە سەر وارگەهێن خۆ“.
دهێتە زانین هەکە قەزا شنگال ل ڤێ تالیێ گەلەک پێشکەفت ب خوەڤە دیتن و سیناریۆیێن جودا بۆ پاشەرۆژا وێ تێنە پێشبینی کرن.