هۆنەرمەند “خالد دنایی” ئەلبومەکێ نوو بەلاڤکر

ئێزیدی 24 _ لەیت حسێن

هۆنەرمەندێ ئێزیدی و کورێ شنگالا بریندار “خالد دنایی” کە نوهە ل وەلاتێ ئەلمانیا ئاکنجی یە ئەلبومەکێ نوو بەلاڤکر کە 8 سترانان بخوەڤە دگرە.

ناڤهاتی لدۆر ئەلبومێ خوە ژ “ئێزیدی 24” رە خوەیاکر، من ئەلبومەکێ سترانان کە 8 سترانان بخوەڤە دگرە بەلاڤکر و هەر هەشت ستران ل ئەلمانیا من تۆمارکرینە ل ستۆدیۆیا “ناجی شنگالی” و هەروەها ساز ئا برایێ من “ئازاد سالح”ە و کامان ئا برایێ من “ئیڤان عادل”ە.

گۆتژی، 7 ژ وان سترانان لسەر ئەڤینیێ راینە و یەک ژ وان ژی لسەر ژیانێ رایە و نەخوەشیا مرۆڤ دبینە و پیراتیا ژیێ مرۆڤی.

هەروەها دا زانین، ل بەهارا بێت دا ئەزێ کلیپەکی نوو کە ئەو ژی ل سەر ئەڤینی رایە بەلاڤ کم و هیڤیدارم جهێ خوەشحالیا حەزژێکەرێت دەنگێ من بە.

هۆنەرمدێ ناڤهاتی خەلکێ دەڤەرا شنگالێ یە و پشتی کۆمکوژیا ئێزیدیان ل سالا 2014 ێ دەربەدەری وەلاتێ ئەلمانیا بوویە و نوهە ل ور ئاکنجی یە، ل سالا 1999 ێ یەکەم ئەلبومێ خوە بەلاڤکریە و هەتا نها هژمارەکا زەهڤا سترانا لسەر کۆمکوژیا ئێزیدیان و دەردەسەری و حالێ وانێ ب زەحمەت را بەلاڤکریە.